Cando era cativa, adoitaba marchar sen mirar atrás, absolutamente fascinada polo mundo ao meu arredor e ansiosa por exploralo. Dende moza, satisfixen a miña inquietude somerxéndome en libros que me transportaban a lugares remotos. Anos máis tarde, obtiven diferentes becas que me permitiron viaxar a outros países e convivir con familias nativas e estudantes estranxeiros. As miñas viaxes non só contribuíron ao meu crecemento persoal, senón que tamén espertaron o meu interese pola arquitectura.

Estudei arquitectura na universidade de Alcalá, obtendo a miña titulación no ano 2017. Nunha ocasión, durante a miña etapa universitaria, un profesor díxome con total fascinación que os meus cadernos eran o refuxio dun tolo. A pesar da súa aparencia caótica, son os meus debuxos os que dan orde e sentido ás miñas ideas, e constitúen a miña principal ferramenta de deseño. Ademais da arquitectura e o debuxo, apaixóname a literatura e a escritura. Compaxinei os meus estudos de arquitectura co estudo de linguas estranxeiras, obtendo o «Cambridge Certificate in Advanced English» [grade A], equivalente ao nivel C2 segundo o CEFR. Na actualidade continúo ampliando os meus coñecementos de francés e alemán.

Dende fai máis de oito anos, traballo como arquitecta, desenvolvendo a miña actividade profesional dende Tui, Galiza. A miña aparencia tranquila e introvertida, contrasta coa miña mente inquieta e ansiosa por aprender, crear e emprender novos proxectos.